Vi har sentral godkjenning som prosjekterande innan forskjellige fagområde. På denne måten kan vi hjelpe oppdragsgjevar gjennom fleire fasar enn berre den praktiske utførande prosessen.
Vi har sentral godkjenning som prosjekterande innan forskjellige fagområde. På denne måten kan vi hjelpe oppdragsgjevar gjennom fleire fasar enn berre den praktiske utførande prosessen.
Med ein fleksibel og allsidig maskinpark kan vi ta på oss alle typar gravearbeid, muring, komprimering og sprenging. Vi tek på oss oppdrag med både hus og hyttetomter med tilhøyrande sprenging og muring. Bilde er frå prosjektet Flo-Blakset. Vi har også hatt fleire prosjekt knytt til utarbeiding av industriområdet i Furene og Rotset. Her har vi sprengt ut større området og fått levert masser/stein til eigne prosjekt eller for vidaresalg.
Vi har hatt mange spennande oppdrag på fleire større samferdselsprosjekt i fylka rundt oss. Mange års erfaring og høg kompetanse i kombinasjon med ein moderne maskinpark gjer oss rusta til å ta alt frå små oppdrag til omfattande hovudentreprisar. Vi har mellom anna utført arbeid på to parsellar på Eiksundsambandet, vi har bygd ny miljøgate i Ulsteinvik, og vi har sett spor etter oss på tre parsellar langs E 39 Kvivsvegen. Vi har utbetra «Noregs verste veg» Olden-innvik. Ny tunellveg mellom Flo og Blakset og vintertunnel i Geiranger. Vi har også hatt ein del kraftverkutbygging og har god kompetanse på vegutbygging og tunelldriving.
Vi har mange års erfaring med kraftverkutbyggingar. Dette er arbeid som går føre seg i spektakulær natur, med vanskeleg tilkomst. Det har vore krevjande oppdrag som har gitt oss spennande utfordringar og nyttige erfaringar. Vi har bygd vassvegar, rørgater, tunellar, demningar, og fundament. Nokre av kraftverka vi har hatt oppdrag på: Jølstra kraftverk, Røfsdalselva, Helgåa og Sørdalselva kraftverk i Syvden, Steinsvik Kraftverk og SFE Ålfoten.
Vi har utført innreiing av vegtunellar, med utlasting, grøfting, drens, rørgater og vegbygging. Eksempel på tunellprosjekt er Geiranger, Flo og Blakset og tunellar på Kvivsvegen. Vi har også bygd fleire tunellar i samband med kraftverksutbygging.
Vi utfører alt av grunnarbeid til bustadtomter, næringsbygg, vegar og idrettsanlegg m.m. I tillegg utfører vi VA- prosjekt, samt renovering og oppgradering av gamle VA-anlegg. Her har vi utarbeida bl.a. bustadtomter til studentbustad, leiligheiter, eineboligar og kommunale hyttefelt. Fleire tomter og uteområdet til skulebygg, idrettshallar og næringsbygg. Eksempel på dette er tomt og uteområde til Rema/Europris og Burger King Volda. Voldaportalen Kiwi, Volda og Ørsta ungdomskule, Idrettshall Ørsta. Tomtarbeid til Jysk, Rusta og Extra i Furene.
Vi har kontrakt med Veidekke for vintervedlikehald. I tillegg tek vi på oss snørydding for næringslivet.
Vi har kranbil og kan utføre transport og spesialtransport. Vi tek på oss oppdrag for private og bedrifter.
Vi har to masseuttak i området, Ørsta og Nordfjordeid. Her kan ein bestille levering eller hente masse sjølv. Vi arbeider med klargjering av massedeponi i Klubben i Ørsta.
